Caruusad reer Tennessee ayaa la xidhay ka dib markii booliiska Maraykanku uu sheegay in ay bistoolad ula baxday ninkeeda oo ay saacadu ka hor uun is guursadeen, iyadoo aan xataa iska bixinin dharkii arooska.
Kate Elizabeth Prichard, oo da'deedu ay tahay 25 jir ah ayaa xabsiga la dhigay iyadoo wali qabta dharkii arooska ee Taajka.
Waxaa lagu eedeeyay in ay bustooladda madaxa ka saartay ninkeeda ,ayna kaladhka shaabka qabatay.
Bustooladda ayaa la sheegay in aysan rasaas ku jirin, balse waxaa lagu eedeeyay in ay rasaas soo gashatay markii dambe ayna hawada ku tijaabisay, arrintaas ayaana sababtay in ay kala cararaan dadkii arkayay.
Dad goobjoogeyaal ah ayaa arrintii sheegay waxaana goobtii soo gaadhay booliiska.
Waxa kaloo la sheegay in lamaanuhu ay khamri cabsanayeen ,markaaas ka dibna ay murmeen.
Kyle Evans oo ka tirsan booliiska Murfreesboro ayaa sheegay Isniintii in caruuska iyo caruusadduba aysan gacan siinin booliiska si ay baaritaan ugu sameeyaan waxa dhacay.
Prichard ayaa lagu eedeeyay tacdi qoys oo halis ah waxaanse markii dambe lagu siidaayay 15,000 oo doolar oo damiin ah.
source :BBC
No comments:
Post a Comment