Dad badan oo Muslimiin ahi maanta waxa ay rumaysan yihiin in Jinigu/Jinku uu
galo Dadka Jidhkiisi,shaqo iyo hawlna uu ka qabsan karo Jidhka gudahiisa
,isaga
oo raacaaya Xididada Dhiiga qaada. Maskaxda dad badan oo muslimiin ah ayaa
waxaasi aaminsan: Sidaa waxaa yidhi Caalimka wayn ee Reer Masar Khaalid
Al-Kurdi.
Khalid Al-Kurdi iyo culumo kale oo Muslimiina ayaa jira oo iyagu
aaminsan in Jinku aanu wax awooda ku
lahayn in si dhaqdhaaqleh uu u gali karo jidhka Bini-Aadmiga gudahiisa isaga oo
halkaasi ka hagaaya kan maamulaaya.
Sida culumo badan oo Muslimiinii ay aamin sanyihiin ,in Jinku
galo isla markaana uu maamushi Jidhka Bini-aadmiga, dhaqankiisa,ficiladiisa iyo
dabeecadahiisana uu halkaasi ka xakameeyo,ayaa waxa ay tahay fikir iminka ay
kasoo horjeedaan Culumo badan oo Muslimiin ah .
Waxaa iyaguna jira sheekooyin been abuura oo ku saabsan Guur iyo
xidhiidh dhexmaray qoys Insi ah iyo Reer Jin,Sheekooyinka guurka ee sidan oo
kale ah inta badan waxa ay ku salaysan yihiin kutidhi-ku teen aan melena asal
ku lahayn.
Sheekh Muxamad al-Ghazali, Allah ha u naxariistee, wuxuu lahaa
fikrad faahfaahsan oo ku saabsan arrintan Jinka isaga oo diidanaa in Jinku u
ugali karo Jasadka ama Xididada qofka Insiga ah.
Al-Ghazali waxa uu aaminsanaa fikrada odhanaysa: Qur'aanka
Kariimkii wuxuu sharraxaad ka bixiyey macnaha kalmada Quraanka ku jirta ee ah “
Shaydaanku cadaw ayuu idiinyahee cadaw ka dhigta””, wuxuuna muujiyey Sheekhu in
cadawga la sheegayaa uu yahay Khiyanada iyo dhagarta Waswaaska ee maskaxdeena
ku sameeyo, laakiinse Shaydaanku awood uma laha
caqabad xagga jidhka ah oo uu kaaga horjoogsado xataa tegitaanka
Masjidka xiliga Salaada ama uu kaa dhigo sidii wax Sikhraasan oo kale.
Sheekh Al-Ghazali waxa uu
rumaysan yahay in arimahan sidan oo kala ah ay rumaysan yihiin Badanaa Diimaha
oo dhami ,taas awadeedna ay tahay arimo Khuraafaad iyo mala’awaal ku dhisan ;Sumcadda
diintuna sidan hadii la rumaysto waxa dhici karta in ay wax badan oo dhinaca
Caqiidada ahi ay inaga xumadaan.
Sidaa darteed waxaa waajib inagu ah in aynu raadino Cudurada iyo Xanuunada ka
imankara Dabeecadaha iyo xaaladaha aynu ku jirno waxyaabaha ay keeni
karaan,hadii Daalka iyo caajiska mararka qaar Jidhkeena ku jira aynu u qoonsano
in shaydaanka ama Jinku uu keenay taasi waxa ay inagu keeni kartaa in
masuuliyad badan oo ina saran aynu ka cararayno,dabecadii iyo cadooyinka
nooluhu u noolaana aynu ku boqrayno Jin iyo shaydaan in ay awood la taaban karo
ku leeyhiin xanuunada Jidhkeena ku dhaca.
Waxaa jira dadka qaar xaqiiqsada in ay dhici karto in Jinnigu uu ku noolaan karo sida Cayayaanka Bakteeriyada jidhka bini-aadamka isla markaana uu xukumayo, hagaayo dhaqankiisa, xakameynayo dareenkiisa iyo shucuurtiisa mararka qaarna uu kaba dhex hadli karo isaga oo Haween ah ama isaga oo Nin ah.
Waxa aynu odhan karnaa Xadiiska Nabiga CSW in Shaydaanku/Jinku ku socdo dhiiga Ibnu-Adamka, ee laga soo wareyey Safiya bintu Xuyay bintu Akhdab ,kaasi oo tilmaamyey si guud in nabiga oo la taagan goor habeenimo ah Xaaskiisii Safiya in ay soo mareen laba saxaabi,kadibna aragti ka bacdi ay damceen in ay hore u dhafan,balse nabigu uu hakiyey lana hadlay isaga ku leh “”Waar hada tani waa Safiya”” taasi oo uu diidaayey in ay faham khaldan ka qaataan gabadhan uu la taagan yahay cida ay tahay ayaa waxa lagasoo wariyey in uu ku yidhi labadii saxaabi “”Shaydaanku waxa uu socodaa/maraa halka dhiiggu maro sidaa awadeed waxa aan ka baqay in uu qalbigiina ku tuuro xumaan””.
Sharaxaada Xadiiskaasi ayaa waxa aynu ka fahmaynaa in Rasuulku
doonayo inuu ka hortago in Shaydaanku ku tuuri qalbiyada labadaasi nin xumaan
ay u arkaan in nabigu wax shukaansanaayey, kadibna ay hadhaw buunbuuniyaan
wixii ay soo arkeen .
Culimo badan oo Muslimiina ayaa waxa ay aamin san yihiin in
hadalka ah “ shaydaanku waxa uu dhex socdaa Xididada Dhiiga” culimo badan iyo
dad badan oo aqoon yahan ah ayaa waxa ay rumaysan yihiin in taasi ay la macna
tahay,sidii Nin ama Gabadh aad ku tidhaahdi Xididada Dhiigayga ayaa dhex
qaadaysaa jacaylka aan kuu qabo balse aanay ahayn in Jinku xididada sida cayayaanka
u dhex qaado.
Anigu ma jecli in aan wax badan halkan kaga hadlo isku daawaynta
cudurada ka yimaada waxa loo yaqaano Jinka iyo shaydaanka xiddada Jidhkeena
dhex mushaaxa sida ay ku doodayaan wadaado badan,balse waxa ay iswaydiintu
tahay Quraanka iyo qaabka laysugu daweeyaa ma yahay kan aynu iminka aragno ee
badankiisu Falsafada iyo shaqo raadinta ku socda,maxaase ka jira eryada Wadaad
Soomaligu inta badan ay isticmalaan marka ay qof Jin ka saranaay,sida Faryarada
ka bax iwm,waxaan rajaynayaa in qoraal aad u faahfaahsan aan arimahan kasoo
diyaarin doono hadii Ilhay Yidhaahdo.
W/Q: Khadar Ibrahim Aar
France Paris.
No comments:
Post a Comment