Waxaa jiray nin Injineer ah isla markaana shaqooyinkii uu
hayey ay dhamaanba ka joogsadeen muddo aad u badanna shaqo la’aani daashatay. Waxa
uu raadinayay wakhti dheer shaqo isaga ku
haboon nasiib daro muu helin .
Fikir qoto dheer ka dib waxa uu go’aansaday inuu furo xarun caafimaad oo uu
dadka ku daweeyo,balse maadamaa aanu dhakhtar ahayn aqoona aanu u lahayn cilmiga
Cafimaadka waxa uu la yimi dadaal uu Lacag ku helo.
Xarunta uu furay ee uu dhakhtarka ugu talagalay waxa uu ku
dhajiyey Boodh ama Tabeele ay ku qoran tahay ,
"Halkan waxaan ku daaweyaa cudur kasta oo dadka ku dhaca
,balse waxa aad bixinaysaa Lacag dhan 500 Dolar ,Lacagtaasi hadii aad ka
bogsato cudurkii aad qabtay lacagtaasi ma helaysid laguna soo celin mayo ,hadii
aad ka bogsan waydana waxa aanu ku siinaynaa Lacag dhan 1000 Dolar “”.
Qofkasta oo arka Boodhka ama Tabeelaha waxa ku qoran, waxa
maskaxdiisa kusoo dhacda “” alaylahe dhakhtarkan u tag bixina lacagta dhan 500
dolar hadii aad bogsatana waa sidaad rabtay, hadii aad bogsoon waydana faa’ido ayabad helaysaa oo
Lacagtaadi laga qaaday mid la mida ayaaba lagugu darayaa 1000 Dolar ayaad la
caraabaysaa.
Dunida Rag is-gurayee ,Nin dhakhtar ah ayaa waxa uu soo maray
Dariiqii Dr Injineer ku boodhka ku dhajiyey,waa uu akhriyey ,kadibna waxa uu ku
tashaday in uu Ninkaasi Dhakhtarka sheeganaaya Fashiliyo Lacagta uu sheegaayo
ee Kunka ahna ka qaato.
Waxa uu usoo galay Dr Injineer kuyee Dr Injineer waxa aan ka
cabanayaa waxaa iga tagtay dareenkii Urta markaa waxaan ka rabaa in aad iso
celiso,waxaanu bixiyey Lacagtii Ajuurada ahayd ee 500 Dolar.
Dr Injineer markiiba waxa uu halkan kasoo qaaday Quraarad yar
,waxa uu sanka u saaray dhakhtarkii fashilka u socday,kadibna Bukaankii inta uu
qaliyey ayuu ku yidhi Dr Injineer waxa aad Sanka iga saaraysaa wa GAAS dee
maaha daawo.
Dr Injineer inta uu qoslay ayaa waxa uu ku yidhu Hanbalyo
Hanbalyo waadigaa helay Dareenkii urta madamaa aad garatay waxanu in ay Gaas
yihiin,sidaasi Ayaan 500 Dolar uu ku qaatay Dr Injineer.
Dr kii oo xanaaqsan ayaa kadinka ka baxay,balse sidii kumuu
hadhine maalinkale ayaa hadana uu usoo fikiray,kadibna waxa uu u sheegay in uu
maanta ka cabanaayo dhibaato ah dhanka dhadhanka ah,sidii caadadu ahayd waxa uu
bixiyey 500 Dolar .
Dr Injineer waxa uu soo qaatay Quraarad kadibna dhibic yar
ayuu afka ugu shubay kuyee Dr kii Bukaanka sheeganaayey “”dee waar waxanu waa
Gaasdee”” Hanbalyo Hanbalyo mar hadaad dhadhankii kaa maqnaa aad heshay maanta
garatayna waxanu in ay GAAS yihiin ,halkaasi ayuu 500 Dolar ee labaadna kaga
qaatay.
Cadho iyo ciil ayaa Dr kii ka dhamaan wayday mar sadaxaad
waxa uu ku talagalay in uu soo ceshado Lacagtisii laga qaatay ee dhamayd 1000
Dolar,waxaanu kusoo noqday Dr Injineer waxaanu u sheegay in maanta xanuunka
hayaa uu yahay Xasuustii oo dhamaan ka luntay waxaanu bixiyey 500 Dolar.
Waxa la jiifiyey sidii caadada ahayd Sariirta ,Dr Injineer
waxa uu galiyey Gacanta Khaanadii uu kasoo saari jiray Qurarada yar waanu soo
qaaday,Dr kii Bukaanka ahaa inta uu qayliyey ayaa waxa uu yidhi “” oo kaalay
adigu GAAS mooyaane miyaadan waxkale wax ku dawaynin aqoona ”” Dr Injineer inta
uu qoslay kuyee Mashaa Allaah hanbalyo waadigaa helay Xasuustii hadiibaa aad
garatay in horay Gaas laguugu daweeyey.
Waar ilayn cadho looma dhinto ,Dhakhtarkii rasmiga ahaa waxa
laga marayaa Lacag dhan 1500 Dolar,balse hadhi waa hada waxa uu ka fikirayaa
hab kale oo uu ninkan ku fashiliyo Lacagtisiina kusoo ceshado.
Maalin kale ayaa waxa uu u yimi Dr Injineer waxa uu u sheegay
in aanu Indhaha waxba ka arkayn,waxa sidii caadad ahayd uu bixiyey Lacagtii 500
Dolar ahayd,waa la jifiyey Sariirtii ,hada waa uu foojigan yahay waxaanu ka
fikirayaa sidii aan mardanbe loo khayanayn.
Dr Injineer waxa uu sidii caadada u ahayd soo Qaatay
Quraradii yarayd isaga oo Gacanta ku sida ayaa Dhakhtarkii rasmiga ahaa waxa uu
ku qayliyey “” Tani waa Quraradii yarayd ee aad awalba igu khaldi jirtay ! yaab
badanaa Dr Injineer farxad awadii kuyee hanbalyo hanbalyo hadiiba Ilahay Aragii
kusoo celiyey .
W/Q: Khadar Ibrahim Aar.
No comments:
Post a Comment