Wadankasta waxa uu leeyahay magac loo yaqaan oo loogu
yeedho,waxana dhici karta in magacaasi
asal ahaan uu kasoo jeedo dhaqanka iyo Hidaha ay leeyihiin dadka dhulkaasi ku
abtirsadaa .
Hadaba waxaa loo maleynayaa in magaca Jabuuti uu ka yimid asal
ahaan magaca bahalka Soomalidu ay u taqaano'buti ama Butida' kaasi oo cabsi
gelin jiray dadka kuwa waawayn iyo yaryarkaba.
Iyaga iyo Alahoodee waxa ay sheegaan in Bahalkii Butida ahaa
isla markaana Dadqalka ku sifaysnaa markii la dilay ama la jabiyey in magaca
dhulkaasi farxad awadeed loo bixiyey Jabbuuti oo macnaheedu yahay “Jabkii
Butida” waxa uun ay la tusaale tahay dad qalatadii laga sheekayn jiray ee
Dhag-dheer,looguna heesi jiray caruurta Dhagdheer dhimatoo dhulkii nabadeey.
Qaybta 2-aad Tariikhda magaca Jabuuti ee Canfarta .
Canfartu waa dad reer Jabuuti asal ahaan ah,.waana qoomiyad
aad u tira badan isla markaana degta Jabuuti,Itoopiya iyo Eritareya, Canfartu
waxa ay ku doodayaan in Magaca Jabuuti uu iyaga ka yimi.
Sida tariikhda saxa ah ee Canfarta laga soo gaadhay waxa ay
sheegaan in magacan Jabuuti uu ku baxay laba arimood tan hore ay tahay kalmada
GABUUT oo loo isticmaalay badmaax Carbeed oo loo tilmaamaayey Dekeda ama
Xeeliga ay Doonyahu kusoo xidhaan xiligaasi,kadibna badmaaxahii Carbeed uu
eraygii lahjad ahaan u isticmaalay Gabuut (Gabuuti).
Tan labaadna waxa ay tahay ,kadib markii nin u dhashay dalka
Faransiiska uu la kulmay haweeney Canfar
ah sidatana dheriga cunto karinta ee Birta ah, kadibna ninkii Faransiiska ahaa
isaga oo Dhariga farta ku fiiqaaya ,kulana hadlaaya Afka Faransiiska,waxa uu
waydiiyey hadal ay marjkaasi fahmi wayday,balse ay u qaadatay in uu leeyahay
Dharigan aad sidato magacii, kadibna
waxa ay ugu jawaabtay waxa layidhaa :
"Yi-buuti"macnaha waa (dherigaygii birta ahaa").
Taas awadeed Qoomiyada Canfartu waxa ay ku doodayaan in
magacan asal ahaan uu kasoo jeedo YI’BUUTI,kadibna qaabka dhawaaqo loogu
bedalay Jabuuti.
Qaybta 3-aad Tariikhda magaca Jabuuti ee Carabta Yemen.
Yamanta Carbeed waa dad wakhti hore hijro iyo safar dhanka
Badda ah kusoo galay Jabuuti,mase ah dad
deegaan dhaqameed ku leh Jabuuti iyo nawaxigeeda,iyada oo ay sidaasi tahay ayay
hadana nasiibkooda waxa ay ku doodaan in asliga magacan Jabuuti uu ka yimi
kalmadaha Carabigaa ee ah “ja-al-buut””, oo macnaheeda ay ku sheegeen ‘doonnidii waa timid'.
Madamaa dadyawga carabta ah ee dalkaasi Jabuuti deegaanka ku
noqday,inta badan ay ganacsi iwm ay dalka ku joogaan horena ugu yimaadeen,waxa
ay ku doodayaan bad-maaxayashoodii deegaanka ku ahaa Degmada layidhaa OBOKH in
ay asal ahaan magacan Jabuuti in uu xidhiidh dhaw la leeyahay safaradii
ganacsiga ee Doonyahooda.
Ma aha wax lala yaabo waayo magaalo xeebeedka ku taala dalka
Somaliya ee layidhaa Marka dadka qaarna u yaqanaan Marka Cadeey asalka magaca
waxaa bixiyey oo iska lahaa Carabtii reer Siciid Barqash, waxaanu magaco kasoo
aas aasmay kalmada Caribiga ah ee ""Amruka" meeshii talada laga
bixinaayey ama amarka laga fulinaayeyey kadibna markii la soomaliyeeyey waxa ay
isu bedashay Marka.
Isku soo wada duuboo ,sadaxda qoomiyadoods ee Soomali,Canfar
iyo Carabtu midkastaaba dhankiisa waxa uu aamin san yahay in magacani uu ka
yimi asalka tariikhtiisa faca way nee la xidhiidha dalkan yar ee Jabuutida
Barakaysan.
Jabuuti waa magaca saxa ah ee hada loo yaqaano
Jabuuti,xarafka (D) waa astaan iyo sumad
inta badan aad ku arkayso wadamada Faransiisku gumaystay oo dhan
Horaantii dalkan Jabuuti waxaa loo yiqaanay Isticmaarkuna ugu
yedhi jiray magaca “”France Somaliland””,mardanbe waxaa loo bixiyey “”Esse wa
Anfar”” (Dhulkii Ciisaha iyo Canfarta) dhamaadkii xiligii Xoriyada ayaa magacan
loogu wanqalay DJabuuti.
Khadar Ibrahim Aar
No comments:
Post a Comment