Macalinka Somaliyeed aktiisa iyo Gacantiisa way adagtahay in
Ul ama Dhengad/Qaysaraan iyo hadalo naxariista ka fog aad kala kulmiwaydo
xiliga aad waxbarashada ku jirto,waana dhaqan iyo caado aynu la kaliyoownay
Dunidana aynu kaga hadhnay habkeedii waxbarashada akhlaaqigaa.
Sababtu waxa ay tahay, waxaa inaga khaldan habka Tarbiyadeena
aas-aaska u ah, Waalidka,Macalinka iyo dhamaan bulshada inteeda badani waxa ay
rumaysan yihiin in qofku aanu waxba baran Karin waxna fahmi Karin ilaa uu
damqado oo jidhkiisa qaybo kamida aan la xanuujin.
Akhriste bal hadaba Macalinkan ila akhriso Tarbiyadiisa
mucjisada ah:-
Waa xaflad Aroos, waa goor caways ah ,dhamaan waa la wada faraxsan yahay ,ma jiro
qof cadhaysani ,salaan iyo saabootin waxaan ahayn lays dhaafsan mayo; dadka
xaflada Arooska ku kulmay ayaa waxa ka mid ahaa Arday iyo Macalinkiisii oo ay
isigu danbaysay ku dhawaad Shan iyo Sodon Sano,waa qiyaastii Ardaygu markii uu
dhiganaayey Dugsigii dhexe.
Ardaydu inta badan ma ilaawaan Macalinkooda,balse
Macalimiinta way ku adag tahay in ay xasuustaan Ardaydii ay waxbarijireen oo
dhan ,taasna waxaa sabab mucayin ah u noqonaysa Ardayda oo badan iyo Macalinka
waxbarashadooda ku mashquulsan.
Ardaygi markii uu hal mar Indhaha la halacsaday Macalinkiisii
Ilaahay amarkii shaki kama galin in uu Macalinkii xiligaa wax u dhigijiray ,kadibna waa uu is’hayn kariwaayey, inta
dhankiisa usoo dhaqaaqay ayaa waxa uu ku yidhi “” SCWW Macalin may garanaysaa oo may
xasuusataa“??
Macalinkii wakhti badan iskagamuu lumin garasha la’aanta
Wiilka waxaanu ku yidhi “maya Adeer ku garanmaayo””
Ardaygii oo farxad layaablihi ay wajigiisa ka muuqata ayaa
macalinkii ku hadal celiyey kuyee “sideey taasi u dhacday macalin in aadan I
garan” kadibna waxa uu gudagalay Ardaygii sidii uu macalinka xasuustiisa dib
ugu soo celin lahaa isuguna sheegi lahaa qofkq uu yahay ,waxaanu ku bilaabay
hadalkii :-
ARDAYGII: Macalin wakhtigaygii Iskuulka ee Dugsigii Dhexe
ayaad macalin ii ahayd ,magacaygu waxa uu ahaa Faarax,waxaa dhacday ayaan
ayaamaha ka mida ayaan si ula kac ah waxa aan Saacadda gacanta lagu xidho aan
ka xaday Wiilyar oo aanu saxiib ahayn,waanan qarsaday oo jeebka ayaan gashaday ;
kadibna waxaa Oohin kala joojin waayey Wiilkii yaraa ee aan Sacadda ka xaday,isla
markiiba waxa aad Kalaaskii oo dhan amar nagu siisay in aanu wada istaagno
Gacmahana aanu kor u wada qaadno dhamaantayo iyo waliba in Arday kastaa Indhaha
isku qabto Dhabarkana uu sii jeediyo“”.
“”Anigu madamaa aan ahaa ninkii Saacadda Xaday Jeebkaygana ay
ku jirto oo aan ku hubo,waxa aan ka walwalsanaa in marka aad Jeebkayga Gacanta
galiso Saacaddana aad kasoo saarto in aad I fashilin doondo, Ardaydana aad ugu
buushaarayn doonto in la helay Tuugii
Saacadda xaday oo aniga ah!! ; taasina ay sabab u noqon doonto in
Waxbarashadayda dhamaan aan ka *irdhoobo Ardayduna ay ii fahamto in aan ahay
Tuug .Balse taasi maydhicin manaad
samaynin; Markii aad Sacaddii aad
Jeebkayga kasoo saartay,maad I fashilin oo maad odhan “Sacaadii waatan waxaana
Jeebkiisa aan kasoo saaray Hebel”” ,balse waxa aad sii wadatay hawshii baadhitaanka illaa
Ardaygii u danbeeyay aad Jeebkiisa hubisay, wakhti yar ka bacdina waxaad naga
codsatay in aanu fadhiisano””.
Ardaygii oo hadakisii sii wata ayaa yidhi :
Waxa aan ka cabsi qabay in aad Iskuulka igu ceebayso,sidaana
aan waxbarashada uga tago, balse taasi maadsamayn si lama filaana ayaad
Ardaygii Saacada aan ka xaday ugu wareejisay Sacadii,iyada oo aadan u sheegin
in aan anigu ka xaday,waxa kaloo aan kaaga mahad celinayaa in xaataa Ardaydii
aanu isku fasalka ahayn aanay jirin mid kaliya oo dhaaday ama ogaaday in aan
ahay Tuugii Saacadda xaday ;taasna waxaa
sabab u ahaa habka wanaagsan ee aad isticmaashay ee ahaa in Indhaha laysku qabto
si aan qofna qofkale aanu u tuhmin una arkin in Jeebkiisa wax laga soosaaray””.
Intaasi markii Ardaygii yidhi ayaa Macalinkii Gartay
Ardaygani waxa uu ka hadlaayo iyo xiliga ay arintani dhacday waxaanu Macalinkii
hadal ku bilaabay:-
MACALINKII : Arday waad mahad san tahay,waxaanan kaaga mahad
celinayaa sida fiican ee aad ii sharaftay,balse waxa aan ku xasuusinayaa in
wakhtigaasi aad sheegayso ay jirtay iminkana aad I xasuusisay, balse ma og
tahay in aniga laftaydu aanan garanayn wakhtigaasi Ardaygii Saacada xaday ka uu
ahaa sababta oo ah,madamaa aan idinka
codsaday in aad Indhaha dabooshaan si aydaan Tuugada isugu
tuhmin,aniguna markii aan idin baadhaayey labada Indhoodba waan isku hayey
waanan daboolay si aanan u arkin Wajigiisa Ardayga wax xaday naftayduna aanay u
karhin ,taas awadeed adaa hada isu kay sheegay mooyaane kuumaan aqoon sanayn in
aad tahay Ardaygii wakhtigaasi Saacadda xaday “”.
Ardaygii ooh hore ula yaabana xirfada iyo garashada uu
Macalinkani adeegsaday xiligaasi,ayaa
hadana muxjiso kale ay ku noqotay arinta
uu u sheegay ee ah in isaga laftiisu aanu garanaynba Ardayga uu Saacadda
jeebkiisa kasoo saaray.
Qisadan waxa aynu ka faa’idaysanaynaa Macalimiinta maanta
dalka joogaa ee Ardayda wax barayaa in ay
habka macalinimo ee akhlaaqda leh ay kaga daydaan macalinkan oo kale .
W/Q: Khadar Ibrahim Aar
France Paris
No comments:
Post a Comment