Inkastoo aan si rasmiya aan war sugan aan laga haynin waxyabaha kasoo bixi doona Komoshinkii Doorashooyinka ee dhawanaan la doortay in ay shaqadii sii wadayaan iyo inkale.Hadana waxaa mararka qaar soo baxaaya fikirado iyo aaraa iskhilaafsan oo ku saabsan hawl socodsiinta Komishankaasi.
Aniga aragti ahaan waxa ay ila tahay in hadii ay dhacdo in Komishankaasi laga dalbado in ay iscasilaan isla markaana ay joojiyaan shaqadii loo igmaday, dibna lasoo celiyo komishankii hore,fikir ahaan waxa aan isleeyahay waxa inagaga imandoona baal mar sharciga la baal maraayo iyo kutumashi xeerarka dalka u yaala.
Tusaale ahaan :
1. Kumishankani waxa uu ahaa mid dhamaystiran, kaliya waxaa ka maqnaa hal xubin,sharciguna waxa uu dhigayaa in ay aqlabiyad wax ku dooran karaan,
2.waxa uu ahaa Komishan la dhaariyay madaxwaynahuna uu goobjoog ka ahaa.
3.Waxa uu ahaa Komishan maray Baarlamaan lana ansaxiyey
4.Waxa ay sifa sharciga waafaqsan isaga dhex doorteen Gudidii maamulaysay.
5. Waxa ay shaqadii kala wareegeen Komishankii hore oo gabi ahaanba meesha ka xamaan gurtay.
Hadaba iyada oo shuruudahii sharci ee ay xaqa u lahayeen la mariyey sidee ayay suura gal u tahay in layidhaahdo Gudi odayaal ah ayaa waxba kama jiraan kasoo qaadaaya dhamaan hay'adahii dastuuriga ahaa ee dawlada.
Hadii layidhaa Komishankan ha lakala diro isla markaana ay taasi dhacdo, waxa muuqanaysa in Somaliland ay qaadayso jidka burburinta sharciga isla markaana xukuumada iminka jirtaana ay u muuqanyso mid sharciyada iyo hay'adaha sharciga ee dalku ku dhisan yahay kaga kalsooni badan Odayaal iyo Ganacsato aan sharciga dalka meelna kaga jirin.Dawlad nimo waxa ay ku dhisantaa ku adkaanshaha sharciga.
No comments:
Post a Comment